Район укучылары каникулларда акча эшлиләр

"Сарман: иң яңа хәбәрләр", 4 июль 2019 - 15:35

1331

Районның мәшгульлек һәм халыкны эш белән тәэмин итү үзәге аша бүгенге көндә йөздән артык бала җәйге каникуллар чорына эшкә урнаштырылган.

Аларның 111е – Җәлил “Благоустройство” җәмгыятендә, берсе технологик транспорт идарәсендә эшли. Торак пунктларны төзекләндерү буенча эшче вазифасына урнаштырылган укучы балалар чәчәклекләрне, газоннарны тәрбиялиләр, су сибәләр, башка эшләрдә катнашалар.