Рафис абый халыкара фестивальдә – беренче

"Сарман: иң яңа хәбәрләр", 26 апрель 2019 - 10:46

1392

14-15 апрель көннәрендә Яр Чаллы шәһәрендә “Чаллы дусларын җыя” дигән исем астында яшь башкаручыларның халыкара фестиваль-конкурсы үткәрелде.

Анда Сарманда яшәүче виртуоз гармунчы Рафис Мусин да катнашты һәм 26 яшьтән өлкәнрәкләр арасында “Вокал (народное пение)” номинациясендә I дәрәҗә дипломга лаек булды.
Катнашучыларның чыгышларын Мәскәү, Минск шәһәрләре, шулай ук Татарстан Республикасының күренекле сәнгать эшлеклеләреннән торган мәртәбәле жюри бәяләде.
Рафис абыйга шулай ук фестиваль-конкурс директоры кул куйган “Традицияләргә тугрылык” дипломы да тапшырылды.
Без Рафис абыйны зур җиңүе белән котлыйбыз һәм киләчәктә дә уңышлар телибез!
Зөлфия Шәрипова язмасы.