Пенсия артты

Пенсия өлкәсендәге яңалыклар, быелга планнар хакында Татарстан пенсия бүлеге идарәчесе Эдуард Вафин еллык коллегиядә сөйләде.

Пенсия фонды быелдан проактив режимда эшли башлаячак. Ягъни күп кенә хезмәтләрне гариза язмыйча, дистанцион рәвештә дә алу мөмкинлеге туа. Пандемия пенсия фонды эшчәнлегенә дә үз төзәтмәләрен кертми калмаган. Былтыр СНИЛС, ана капиталын дистанцион рәвештә рәсмиләштерү мөмкинлеге булдырылган иде. 

– 2020 ел барыбыз өчен дә сынау булды. Әмма, авырлыклар эшебезне тоткарламады. Татарстанда 1 миллион 136 мең пенсионер яши. Аларга пенсия вакытында түләнде. Гыйнвардан пенсияләр 6,6 процентка артты. Татарстанда уртача пенсия күләме 15497 сумны тәшкил итә, – диде Эдуард Вафин.

Былтыр пенсия бүлеге барлык хезмәтнең 76 процентын электрон формада күрсәткән. Бу 401 мең хезмәт дигән сүз. Өченче буын университетында соңгы ике елда компьютерны 2600 өлкән кеше үзләштергән. Сүз уңаеннан, “Россия пенсионерлар союзының” Татарстандагы бүлеге рәисе Любовь Мишина 14 ел эшләп килүче бу уку йортына бина кирәклеген дә искәртте. Бу мәсьәләдә ярдәм сорап Татарстан премьер-министр урынбасары Ләйлә Фазлыевага мөрәҗәгать итте. 

Быелдан картлык буенча пенсиягә чыгучылар өчен яңалыклар бар. Быел лаеклы ялга чыгу яше хатын-кызлар өчен 56,5 яшь, ә ир-атларга 61,5 яшь. Пенсиягә чыгу өчен кимендә 12 ел стаж һәм 21 пенсия коэффициенты кирәк. Гыйнвардан эшләмәүче пенсионерларның акчасы артты, ә апрельдән социаль пенсия 2,6 процентка индексацияләнер дип көтелә. 

 

Чыганак: shahrikazan.ru

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 4 февраль 2021 - 13:50
    Фирдүс Тямаевтан - «Татарлар» җыры
  • 21 гыйнвар 2021 - 16:19
    Сарман районыннан Илгиз Мусин “Джентельмены удачи” кинофильмында уйный
  • 2021 елга нинди максатлар куйдыгыз? .
    7 кеше тавыш бирде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте
  • Сарманда креатив чаналар фестивале үтте
  • Реконструкциядән соң Россия Эчке эшләр министрлыгының Сарман районы буенча бүлеге бинасы ачылды
  • Районда Уңыш бәйрәме узды.
  • Сарманлылар Яңа Бүләккә бардылар
  • Районга Татарстан Республикасында бала хокуклары буенча вәкил Гүзәл Удачина килде