Мортыштамак мәктәбендә “Макулатура тапшыр–агачны коткар” бәйгесе үткәрелде

Элек-электән килүче гореф-гадәтләрне онытмыйча, сыйныфлар арасында макулатура җыю буенча ярышлар узды. Бу фикерне укучылар һәм аларның әти-әниләры белән берлектә укытучылар да хуплап алды. Укучылар җыелган һәр килограммның агач гомерен саклап калганын, кәгазь эшләүдә җиңеллек тудырганын аңлап эш итәләр. Һәркемнең өендә актуальлеген югалткан китаплар, газета-журналлар хәйран күп булып чыкты. Нәтиҗәдә 75 кг күләмендә кәгазь җыелды. Ул кабул итү пунктына тапшырылачак, аеруча актив катнашучыларга грамоталар тапшырачаклар.