Мияссәрә апа 101 яшьтә дә чүлмәк вата +ВИДЕО

Бүген Иске Имән авыл җирлегендә Өлкәннәр Сабантуе үткәрелде.

Җирлеккә кергән авылларның өлкәннәренә күрешү, аралашу, бергә ял итү өчен менә дигән мөмкинлек була бу. Алар рәхәтләнеп җырлыйлар, бииләр, төрле уеннарда катнашалар. Бәйрәмне алып баручы Нәвия Гатиятуллина өлкәннәрне командаларга бүлеп, аркан тартышуда катнаштыра, кашыкка йомырка куеп ярыштыра. Күзне бәйләп, бәрәңге җыю, чүлмәк вату кебек уеннарда ветераннарыбыз актив катнашалар.
- 101 яшьлек Мияссәрә апа да чүлмәк ватты. 96 яшьлек Фатыйма апа баянга кушылып җырлады. Теләгән һәркем үз һөнәрен күрсәтә алды. Рәхәтләнеп җырладылар, биеделәр, төрле мәзәкләр сөйләделәр өлкәннәребез. Бәйрәм бик күңелле үтте, - диде җирлек башлыгы Раушания Исламова.
Бәйрәм мул ризыклы табын артында дәвам итә. Җирлеккә караган оешма хезмәткәрләре өлкәннәрне кайнар чәй, тәмле коймак белән сыйлыйлар. Күчтәнәчләр һәм бүләкләр алуны оештыруда җирлек депутатлары Дамир Галиев белән Рөстәм Исламов ярдәм итәләр.

Альбина Сабирова язмасы.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 13 апрель 2021 - 09:54
    Башкортстан кызы Лилия Шагалеева туган телендә Газиз Әбделмәновның шигырен укый!
  • 25 март 2021 - 14:07
    Фирдүс Тямаев Сарайлы авылына кабат кайтачак
  • Сез чүп-чарны сортларга бүләсезме? .
    8 кеше тавыш бирде
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте
  • Сарманда креатив чаналар фестивале үтте
  • Реконструкциядән соң Россия Эчке эшләр министрлыгының Сарман районы буенча бүлеге бинасы ачылды
  • Районда Уңыш бәйрәме узды.