Мини-футбол буенча район командасы ТР чемпионы булды

18-21 май көннәрендә Минзәлә шәһәрендә XIV «Сәламәтлек» авыл Спартакиадасы программасы буенча авыл районнары ир-ат командалары арасында мини-футбол буенча Татарстан Республикасы Чемпионатының II зона ярышлары узды. Иң элек 13 команда 3 төркемдә көч сынашты («A» төркемендә 5 команда уйнады). Безнекеләр «B» төркемендә Спас, Әлмәт һәм Тукай районнары командалары белән уйнадылар. Спаслыларны...

18-21 май көннәрендә Минзәлә шәһәрендә XIV «Сәламәтлек» авыл Спартакиадасы программасы буенча авыл районнары ир-ат командалары арасында мини-футбол буенча Татарстан Республикасы Чемпионатының II зона ярышлары узды.

Иң элек 13 команда 3 төркемдә көч сынашты («A» төркемендә 5 команда уйнады). Безнекеләр «B» төркемендә Спас, Әлмәт һәм Тукай районнары командалары белән уйнадылар. Спаслыларны Сарман командасы - 1:0 исәбе белән, тукайлыларны 3:2 исәбе белән бирелергә мәҗбүр иттеләр. Әлмәт командасы белән уен киеренке рәвештә үтте һәм 2:2 исәбе белән төгәлләнде.

Безнекеләр төркемнән 1 нче урыннан чыктылар. Чирекфиналда Чирмешән районы командасы белән уен туры килде. Ул Сарман файдасына төгәлләнде - 3:1. Ярымфиналда райондашларыбызга бик авыр булды - шул ук Спас командасы белән уен төп вакытта 1:1 исәбе белән тәмамланды. Пенальти сериясендә сарманлылар уңышлырак булдылар - 3:2.

Ниһаять, финал! Монда безнекеләргә Ютазы районы командасы каршы торды. Беркем дә бирешергә теләмәде, төп вакыт шулай ук тигез исәпне билгеләде - 3:3. Тагын пенальти сериясе! Район командасы бу күнегүгә нык игътибар биргән, ахрысы - серия тагын аларны җиңүче дип тапты (6:5). Без - чемпионнар!

Өченче урын өчен уенда Әлмәт районы командасы Спас районы командасын 1:0 исәбе белән җиңде.

Нәтиҗәдә тренер Сергей Мордвинцев әзерләгән безнең командага ТР Яшьләр эшләре һәм спорт министрлыгы белән «Уңыш» физкультура-спорт җәмгыятенең I дәрәҗә дипломы тапшырылды.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 9 июль 2021 - 11:25
    Сарманлылар Гаилә көнен бәйрәм иттеләр
  • 28 июнь 2021 - 13:25
    Урта Әләзән халкы сарманлыларга кушылып җырлады
    https://youtu.be/mpSvb4OhV0U
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар