Ләкедә Питрауны бәйрәм иттеләр+ ВИДЕО

"Сарман: иң яңа хәбәрләр", 13 июль 2018 - 09:20

3830

Ул быел бигрәк күңелле үтте. Бәйрәм “Иганә” фольклор ансамбле сәламе белән башланып китте.

Кунаклар – “Бәрмәнчек” керәшен ансамбле чыгышы бәйрәмдә катнашучыларның кәефен тагын да күтәрде. Питрау - ул табигатьне олылау, аның нигъмәтләренә шөкерана кылу, матурлыкка мәдхия җырлау бәйрәме. Ул - игеннәрне урып-җыю алдыннан ял итеп алу бәйрәме дә. Бу бәйрәм Татарстанның керәшеннәр яшәгән һәр җирлегендә үткәрелә.
- Ел да, Сабантуйларын уздыргач, без Питрау бәйрәмен сагынып көтеп алабыз. Ул - керәшен халкының барлык матурлыгын күрсәтә торган бәйрәм. Бәйрәмгә килгән кунакларга, оештыручыларга рәхмәт, күңелле яллар телим, - диде район башлыгы Фәрит Хөснуллин, Питрауга килгәннәрне сәламләп.
Җыр-бию, уен-көлке белән үрелеп барды бәйрәм, сәүдә нокталары эшләде.
Бу хакта тулырак язманы газетабызның 18 июльдә чыгасы санында укыгыз.