Ләкедә башкарма комитет бинасына капиталь ремонт ясалды

"Сарман: иң яңа хәбәрләр", 13 июль 2018 - 08:44

3610

“Җирлекләрнең башкарма комитетлары биналарына капиталь ремонт” республика программасы нигезендә былтыр Иске Кәшер башкарма комитеты бинасы ремонтланган иде.

Быел Ләке авыл җирлегендә шундый күләмле эшләр башкарылды. Моның өчен республика казнасыннан 1 миллион 657 мең сум акча бүленеп бирелде.
- Шушындый уңайлы шартларда эшләү мөмкинлеге биргән район башлыгы Фәрит Мөнәвировичка, республика җитәкчелегенә зур рәхмәт, - диде төзекләндерелгән бинаны ачу тантанасында җирлек башлыгы Лилия Шәрипова.
Чыннан да, бинаның бүлмәләре уңайлы, эшләр өчен барлык шартлар да бар. Архив документларын саклар өчен, махсус бүлмә булуына да сөенәләр башкарма комитет хезмәткәрләре.