“Лилия” балалар бакчасы нәниләре әниләренә бәйрәм бүләк иттеләр + ВИДЕО

"Сарман: иң яңа хәбәрләр", 10 март 2020 - 10:03

1141

8 Март Халыкара хатын-кызлар көне уңаеннан район үзәгендәге “Лилия” балалар бакчасының Кадрия Газизова төркемендә тәрбияләнүче нәниләре әниләренә бәйрәм бүләк иттеләр.

Алар әниләре өчен иң матур җырларны өйрәнгәннәр, аларны шулай ук күмәк биюләр белән сөендерделәр. Кадрия апалары белән берлектә әниләренә кызыклы уеннар уйнаттылар. Ә иң соңыннан кадерле кешеләренә үз куллары белән якты кояш төсләрен кертеп ясаган, рәхмәт сүзләре, матур теләкләр белән тулыландырылган открыткалар бүләк иттеләр.