Ленин урамында тагын бер матур ишегалды булачак

“Безнең ишегалды” республика программасы нигезендә район үзәгенең Ленин урамы 14 йорт ишегалды да быел матурланачак. Бүгенге көндә андагы иске сарайлар сүтелеп, йорт территориясе төзекләндерелә. Уңайлы ишегалды буласы җирне тигезләп, ком түшиләр. Төзекләндерү барышында тротуарларны ясау, асфальт җәю, көндәлек-көнкүреш калдыклары түгелә торган контейнерлар урнаштырылган мәйданчыкларны бетоннан эшләү, балалар мәйданчыкларына комнан җирлек әзерләү, кер киптерү һәм палас кагу урыннары булдыру кебек эшләр башкарылачак.

Альбина Сабирова язмасы һәм фотолары