Ландыш Фәттахова “Үлемсез полк” акциясенә кушылды

"Сарман: иң яңа хәбәрләр", 2 май 2020 - 19:30

923

Безнең бабабыз Фәйзуллин Хәкимулла Фәйзулла улы 1923 елның 15 февралендә Сарман районы Ләшәү Тамак авылында туа.

Хәрби хезмәткә 1942 елда чакырыла. Великие Луки шәһәре кырындагы сугышта каты яралана һәм бик озак госпитальдә ята. Аннары авылга кайта, кыр бригадиры булып хезмәт куя. Сугыш тәмамлангач, Сарман районы авылларында участок табибы булып эшли. 2004 елның 6 июнендә 82 яшендә безнең арабыздан китеп барды. Бүгенге көндә 7 бала, 14 онык, 19 оныкчыгы хөрмәт белән искә алабыз. Тыныч йокла, бабай, без синең белән горурланабыз!