"Кояшкай" балалар бакчасында 32 бала беренче сыйныфка китте

Балаларның бәйрәмдә театральләштерелгән тамаша геройлары белән берлектә рус, татар телендә шигырьләр сөйләве, җырлавы, килешле итеп вальс әйләнүләре дә һәркемнең күңеленә хуш килде. Балалар үзләрен уңган, зирәк, акыллы итеп таныттылар. Сөенечле, моңсу мизгелләр күп булды бәйрәмдә. Аны онытылмаслык итеп уздыруда музыка җитәкчебез Абдулвалеева Ләйсәннең өлеше зур булды.Матур җырлар җырлап, биюләр биеп әти-әниләрнең, тәрбиячеләрнең, балаларның күзләре яшьләнде. Балаларга ак юллар теләп “мәктәп” дигән олы юлга озаттык.