Конкурс дәвам итә

Безнең "Онытылмаслык мизгел" конкурсыбыз дәвам итә. Түбәндәге рәсемнәрне район үзәгендәге "Лилия" балалар бакчасының уртанчылар төркеме тәрбиячеләре Раушания Ихсанова һәм Раушания Сәхбиева җибәрде.

- Һәр кеше йөрәгендә истәлекле мизгелләр, көтеп алган матур бәйрәмнәр хатирәсе саклана торгандыр. Безнең дә шундый шатлыклы һәм истәлекле көнебез бар, ул - Халыкара балаларны яклау көн. Бу көнне дөньяның барлык почмакларында кызлар-малайлар өчен бәйрәм чаралары, концертлар, төрле бәйгеләр оештырыла. Безнең бакчада үткәрелгән бәйрәмдә дә балалар рәхәтләнеп күңел ачтылар: табышмаклар чиштеләр, күңелле уеннар уйнадылар, биеделәр, фотоларга төштеләр һәм дә бу мизгелне балалар акбур белән асфальтка рәсемләделәр. Бу көн Рамазан өчен дә икеләтә истәлекле булды - аңа 4 яшь тулды. Клоун белән Мальвина аңа искиткеч бәйрәм ясадылар, - диләр алар.