“КАМАЗ-мастер” командасы җитәкчесе аграр көллият КамАЗларын бик ошатты

"Сарман: иң яңа хәбәрләр", 21 август 2020 - 22:23

840

Районга сәфәре вакытында “КамАЗ-Автоспорт” коммерцияле булмаган партнерлык директоры, “КАМАЗ-мастер” командасы җитәкчесе, ТР Дәүләт Советы депутаты Владимир Чагин аграр көллияттә булды, аның һөнәргә өйрәтү буенча теория кабинетларын, остаханәләрен, спорт залын һәм практик шөгыльләр паркын карады. Укучылар өчен булган тренажер КамАЗга утырып, йөртеп карады.
- “Шелковый путь” җитәкчесе буларак, күп кенә илләрдә, Россия шәһәрләрендә булырга туры килде. Безнең Татарстанга көнләшеп карыйлар. Кайда да республикабызның көчле булуы күренә. Бер өлеше сездә дә чагыла, - диде легендар пилот һәм уңышлар теләде.