Татарстан Дәүләт автоинспекциясе, аномаль суыклар килү сәбәпле, республика халкына, шул исәптән Сарман районында яшәүчеләргә дә, ашыгыч кисәтү юллады.
5 февральгә каршы төндә һәм иртән һава температурасы -35°C-ка кадәр төшәргә мөмкин.
Мондый салкыннарда машина бозылу яки юл-транспорт һәлакәтенә тару куркынычы берничә тапкырга арта. Инспекторлар якын тәүлек эчендә үтә мөһим булмаган сәфәрләрдән тыелып торуыгызны сорый.
Әгәр юлга чыгу кичектергесез булса, түбәндәге кагыйдәләрне истә тотыгыз:
* Машинаның техник торышын җентекләп тикшерегез.
* Җылы кием һәм җылы аяк киеме кию мәҗбүри.
* Үзегез белән ягулык запасы, кайнар чәй салынган термос һәм тулысынча зарядкаланган телефон алыгыз.
* Юлда чиктән тыш сак һәм игътибарлы булыгыз.
Нет комментариев