Иске Кәшер һәм Сарайлы мәктәпләрендә “Гражданлык-патриотлык” айлыгы кысаларында төрле чаралар уза

"Сарман: иң яңа хәбәрләр", 10 февраль 2019 - 10:00

1019

Хәтер - кешегә хас чын мәгънәсендә уникаль үзенчәлек. Ул бик зур күләмдә мәгълүмат саклый, буыннар бәйләнешен тәэмин итә, геройларга үткән елларга күчергә ирек бирми.

Иске Кәшер гомуми белем бирү мәктәбенең бер төркем укучылары, шул исәптә "Альтаир"отрядының яшьармиячеләре һәм "Немезида" хокук бозуларны кисәтү отряды әгъзалары Зиннәт Хәсәнов исемендәге Туган якны өйрәнү музеенда булдылар. Экскурсиянең әһәмиятле өлеше якташларыбызның 1941-1945 еллардагы Бөек Ватан сугышы елларында гомуми җиңүгә керткән хәрби һәм хезмәт өлеше темасына багышланган иде. Моннан тыш укучылар игътибарына Әфганстаннан совет гаскәрләрен чыгаруга 30 ел тулуга багышланган "Әфган альбомы" тәкъдим ителде.
Шулай ук мәктәптә айлык кысаларында Батырлык дәресләре, бердәм сыйныф сәгатьләре үтә. Аларда Бөек Ватан сугышы елларында җирле халык ярдәме һәм хәрби командованиесе хуплавы белән эшләгән совет партизан хәрәкәте үзенчәлекләре турында, Герой –пионерлар, Сарман районыннан чыккан батырлар, авылыбыз ветнераннары турында өйрәнелә.
Укучылар мәктәп һәм авыл библиотекаларында фронтовик-шагыйрьләрнең китаплары белән танышалар, укыйлар.
Ветераннарның өйләренә барып шул елларның хәтирәләре белән кызыксыналар.
Бүгенге көндә яшь буынга гражданлык-патриотик тәрбия бирүнең әһәмияте зур. Җәмгыятьнең тотрыклы социаль үсешенә омтылыш аша патриотик тәрбия системасының эчтәлеге һәм үсешенең төп юллары билгеләнә, ул җәмгыятьнең рухи-әхлакый бердәмлегенең нигезе буларак Россия гражданнарының патриотик аңын алга таба формалаштыруга юнәлдерелгән.