Гимназистлар булдырды

Казанда технология университетында «Химиклар КВНы» фестивале узды. Сарман гимназиясенең «Циклоботаны» командасы анда икенче урынны яулады. Команда капитаны Гүзәл Хафизова һәм аның членнары Айгөл Гарипова, Регина Петрова, Раилә Газизова, Игорь Нафиков, Ләйсән Нуриева, Мостафина һәм Сәгъдәтова Айсылулар, Альберт Минһаҗев - 11 нче сыйныф укучылары, Рушан Хәсәншин - 8 нче «Б»дан. Команда җитәкчесе - химия укытучысы Винера Галялиева. Укучылар барысы да бүләкләр белән кайттылар, ә Гүзәлгә ярымфиналда, хатын-кыз ролен иң яхшы башкаручы буларак, диплом тапшырылды. Казан, Түбән Кама, Арча лицей һәм мәктәпләре командалары да катнашкан фестивальдәге мондый уңышлы чыгыш - команда һәм җанатарлар өчен зур уңыш. Команда членнары һәм Винера Николаевна фестивальгә баруда булышлык күрсәтүчеләргә рәхмәт белдерәләр.