Фәнис абый һәм Нәзилә апа алтын туйларын билгеләп үтәләр

"Сарман: иң яңа хәбәрләр", 23 ноябрь 2018 - 16:52

1586

Сарман авылында яшәүче Фәнис һәм Нәзилә Миңнуллиннарның бергә тормыш корып яши башлауларына ноябрь аенда 50 ел булды.

Аларны алтын туйлары белән район башлыгы Фәрит Хөснуллин һәм җитәкчелек исеменнән район Башкарма комитеты җитәкчесе Әлфис Мөхәммәтгәрәев тәбрикләде, район башлыгының Рәхмәт хатын һәм истәлекле бүләк тапшырды. Юбилярга шулай ук котлау сүзләрен район Башкарма комитеты җитәкчесе урынбасары Индира Сәхипова, загс бүлеге начальнигы Гөлчәчәк Вәлишина, “Бердәм Россия” сәяси партиясенең җирле бүлекчәсе башкарма комитеты җитәкчесе Гөлүсә Харисова җиткерделәр.

Фәнис абый һәм Нәзилә апа турындагы тулырак язманы газетабызның киләсе саннарының берсендә укый аласыз.