Дүсемдә яшәүче Сирин Әхмәдишинны авылдашлары бик хөрмәт итәләр

"Сарман: иң яңа хәбәрләр", 7 август 2019 - 11:15

1490

- Уникаль кеше. Үзе тырыш, тынгысыз, кулыннан килмәгән эше юк, - дип мактады мәктәп директоры Ринат Дәүләтов.

Бу сүзләрдә хаклык барлыгына аның белән күрешеп, очрашып сөйләшкәч, тагын бер кат инандык. Ишегалларындагы гүзәл бакчаны күрүгә, аның, чыннан да, табигать кешесе икәненә төшенү кыен түгел.

Чәчәкләрне әнием Флера, тормыш иптәшем Гөлназ яраталар. Алар утырта, мин төзекләндерәм, - диде ул, бакчасындагы матур күлләвеккә ишарәләп.

Чыннан да, гаҗәпләнерлек. Гади авыл ихаталарында да зәвыклы бакча ясау серләрен беләләр хәзер. Бары тик иренмәскә генә кирәк. Ә тырышлык Сирин абыйда җитәрлек. Умарталар да тота ул. Ә бу эш бик күп сабырлык, төгәллек таләп итә. Барысына да өлгерергә дә кирәк бит. Өстәвенә авыл территориясендә урнашкан күлләрне, чишмәләрне дә төзекләндереп, карап тора икән әле ул.

Бу хакта тулырак газетабызның 7 август санында укыгыз.