“Дакар” җиңүе ТАССРның 100 еллыгына багышлана
“Дакар” раллиеның йөк машиналары классында җиде тапкыр җиңүчесе, “КамАЗ-мастер” командасы легендасы һәм аның җитәкчесе Владимир Чагин быелгы җиңүнең ТАССРның 100 еллыгына, кадерле һәм яраткан Татарстанга багышланганын әйтте.
Ул шулай ук “Дакар-2020”нең быел яңа трассада үткәрелүен билгеләп үтте.
- Яңа трассада кыенлыклар күп иде. Ләкин без аларны җиңеп чыктык, шуның белән илебез автопромының һәм спортының югары дәрәҗәдә булуын күрсәттек. Моны быел эшләү безнең өчен мөһим иде, - диде ул. – “КамАЗ-мастер” командасында биш пилот. Андрей Каргинов башта ук алдынгы позицияне яулады. Аның биш елдан соң кабат җиңү яулавына мин бик шатмын. Шунысын да әйтергә кирәк: “КамАЗ” машиналарының алгы ягына иң күренеп тора торган җиренә ТАССРның 100 еллыгы наклейкалары ябыштырылган иде. Без быел беренче урынны алуыбызга бик шатбыз. Без бу җиңүне кадерле республикабызга багышлыйбыз.
Следите за самым важным и интересным в Telegram-каналеТатмедиа
Нет комментариев