Чираттагы Совет утырышында

Бүген муниципаль район Советының XVI утырышы узды. Көн тәртибендә "2007 - 2012 нче елларда Сарман муниципаль районында авыл хуҗалыгын үстерү" максатчан программасының үтәлеше, 2013 нче елда муниципаль район территориясендә балигъ булмаганнарның җәйге ялларын, аларны сәламәтләндерү һәм эш белән тәэмин итүне оештыру, Сарман муниципаль районы Советының 2012 нче елның 14 нче ноябрендә кабул ителгән "Муниципаль вазыйфа биләүгә дәгъва итүче гражданнар һәм муниципаль вазыйфалар биләүче гражданнар тарафыннан керемнәр, милек һәм милек характерындагы йөкләмәләр турында мәгълүмат бирү турындагы положенияне раслау турында"гы 93 нче карарына үзгәрешләр кертү, тышкы муниципаль финанс контролен башкару вәкаләтләрен тапшыру, килешүләр төзү турындагы мәсьәләләр каралды. Карарлар кабул ителде.