САРМАН
  • Рус Тат
  • “Буран әбиләре”ннән ким түгел

    Питрау - керәшеннәрнең иң зур бәйрәмнәренең берсе. Мамадыш районының Җөри авылында аны быел унөченче тапкыр зурлап билгеләп үттеләр. Анда бу юлы да республиканың төрле почмакларыннан меңләгән халык катнашты. Кунакларны Мамадыш, Алабуга, Мәлки, Нагайбәк керәшеннәренең зәвыклы итеп бизәлгән өйчекләре каршы алды. Яр Чаллы шәһәренең "Гильдия мастеров" җәмгыяте директоры Л.Ламанина керәшен халык...

    Питрау - керәшеннәрнең иң зур бәйрәмнәренең берсе. Мамадыш районының Җөри авылында аны быел унөченче тапкыр зурлап билгеләп үттеләр. Анда бу юлы да республиканың төрле почмакларыннан меңләгән халык катнашты.
    Кунакларны Мамадыш, Алабуга, Мәлки, Нагайбәк керәшеннәренең зәвыклы итеп бизәлгән өйчекләре каршы алды. Яр Чаллы шәһәренең "Гильдия мастеров" җәмгыяте директоры Л.Ламанина керәшен халык осталары ясаган матрешкалар тәкъдим итте. Теләгән кеше милли кухняга үтте.
    Концерт программасы да бай эчтәлекле иде. Аңа бик күп күренекле артистлар чакырылган. Венера Ганиева, Илназ Баһ, Георгий Ибушев, Виталий Агапов, Галина Казанцева, Зоя Борисова, Габделфәт Сафин, Резедә Кадыйрова чыгышларын халык яратып кабул итте. Күңелгә иң кереп калганы, мөгаен, "Буран әбиләре"нең "Partu for everybody" җырын татарча җырлавы булгандыр. Безнең Ләке мәдәният йорты каршында эшләп килүче "Иганә" фольклор ансамбле дә алардан кимен куймады. Аларның чыгышы көчле алкышларга күмелде. Анда миңа да катнашырга туры килде. "Җырла, егет" дигән керәшен халык җыры белән мин махсус дипломга лаек булдым.
    Бәйрәмдә ат чабышы да, хатын-кызлар, ир-атлар арасында кул көрәше, волейбол, катыктан акча эзләү, судан кул белән балык тоту һәм башка бик күп төрле уен-бәйгеләр дә үткәрелде.
    Монда шулай ук "Керәшен чибәре" конкурсының йомгаклау өлеше дә булды. Анда безнең Ләке авылыннан Луиза Степанова да катнашты һәм уңышлы чыгыш ясады.
    Күпләр, монда бер килсәң, китәсе килми, чөнки Җөридәге Питрау магнит кебек гел үзенә тартып тора, ди. Чыннан да, шулай икән. Инде Җөридәге киләсе Питрауны көтәбез.
    Нравится
    Поделиться:
    Реклама
    Комментарии (0)
    • 23 май 2018 - 15:03
      Кариев театры Татарстанда тифлокомментарийлы спектакль күрсәтте
    • 23 май 2018 - 08:35
      Имиджевый ролик для Сармановского района
    • Сарманга патриот-шагыйрь Фатих Кәримнең кызы килде
    • “Җырлы балачак илендә” конкурсының район туры үткәрелде
    • 23 май 2018 - 15:37
      Сарманда әдәби фестиваль үтте
      Бүген, Сарманның үзәк Ял паркында татар халкының әдәби мирасын пропагандалау, туган телгә һәм шул телдә язылган әдәбиятка мәхәббәт тәрбияләү, басылган мәгълүматны кабул итү сәләтен арттыру максатыннан, мәктәп укучылары арасында районкүләм “Читайлэнд” (“Укыйбыз”) әдәби фестивале үткәрелде
      158
      0
      0
    • 8 май 2018 - 08:10
      Закупаем рога лося За 1 кг. 500 рублей.
    • 5 апрель 2018 - 10:37
      ПРАЙС-ЛИСТ ПРАЙС-ЛИСТ НА РАЗМЕЩЕНИЕ РЕКЛАМЫ, ОБЪЯВЛЕНИЙ, ИНФОРМАЦИОННЫХ МАТЕРИАЛОВ, СОЦИАЛЬНОЙ РЕКЛАМЫ НА САЙТЕ ФИЛИАЛА  АО «ТАТМЕДИА» И ПРЕДСТАВИТЕЛЯХ В СОЦИАЛЬНЫХ СЕТЯХ
    Ночной режим