Биючеләребез Төркиягә киттеләр +ВИДЕО

"Сарман: иң яңа хәбәрләр", 26 апрель 2019 - 16:38

1507

Районның “Умырзая” хореографик ансамбленә йөрүче биючеләребез һәм җырчы кызыбыз Әлфиназ Бәдертдинова кичә Төркиягә фестивальгә киттеләр.

- Стамбул шәһәренә барып урнаштык, безне төрек лицейлары бик җылы каршы алдылар, - дип хәбәр итте район мәдәният бүлеге начальнигы Гөлназ Латыйпова.
Әлеге сәяхәт укучыларыбыз күңелендә тагын бер мизгел белән истә калачак. Кичә аэропортта алар XV Казан халыкара мөселман киносы фестиваленә килгән “Великолепный век” сериалы актеры Сәлим Байрактар белән очрашканнар һәм фотога төшкәннәр. Башкала кунагы Әлфиназның җырлавын да үтенгән.

Альбина Сабирова язмасы.