Редакциядә кунакта

Бездә бүген кунакта Илексаз мәктәбе укучылары булып китте. Башта читенсенеп кенә торсалар да, балалар безнең эш турында, гәҗит чыгару серләрен, сайт яңалыкларын, хезмәткәрләребезнең профессия үзенчәлекләре турында бик кызыксыну һәм игътибар белән тыңладылар. Укытучылары Гөләндәм Хәлиуллина редакторыбыз Альбина Сабирова белән берлектә, профессия сайлауга бәлки берәр адым алга ясарга булышканнардыр, чөнки безгә килгән кеше шушында калу максаты белән яна башлый. Сезне дә көтеп калабыз, дуслар. Безнең ишекләребез сезнең өчен һәрвакыт ачык!