Алма Спасы табигатькә көзне алып килә

Алма Спасы - уңыш җыю белән бәйле бәйрәм. Христианнарда ул элек-электән иң кадерле бәйрәмнәрнең берсе булган. Ул табигатькә көзне алып килә дип саналган һәм бу көнне көзне каршылау бәйрәме үткәрелгән. Бөтен авыл халкы, җыелып, кырга чыкканнар һәм җыр белән кояш баешын озатканнар. Аннан соң төннәр суыта башлый, көндез кояш ул кадәр җылытмый, яфраклар саргая башлый, беренче торналар көньякка китә дип саналган. Бу вакытта аккошларның да җылы якларга китүе күзәтелгән.
Христианнарда Алма, ягъни икенче Спас хакында төрле сынамышлар да бар. Ягъни: Икенче Спас нинди, январь шундый; Икенче Спас тун әзерләп куя; Икенче Спастан соң көзге культураларны чәч.
Зөлфия Шәрипова язмасы һәм фотосы.