"Сарман мәгълүмат-мөхәррият үзәге" райондашларыбызны Яңа ел белән котлый

Безнең өчен ул уңышлы булды: төрле дәрәҗә бәйгеләрдә җиңүләр, призлы урыннар яуладык, “Картлык мине куып җитә алмас” социаль проекты белән грант оттык. Иң мөһиме – газетаны укучылар күңеленә хуш килерлек итеп чыгарырга тырыштык. Безнең киләсе елга да яңа проектларыбыз, уй-планнарыбыз бар. Аларны тормышка ашыруда хәбәрчеләребез ярдәменә дә өметләнәбез, актив булырлар, дип ышанабыз. Яңа ел барчабызга да уңышлар, бары тик шатлыклы хәбәрләр генә алып килсен, өйләребез бусагасыннан бәхет кенә атлап керсен. Райондашларны якынлашып килүче Яңа ел белән котлап, саулык-сәламәтлек, гаилә иминлеге, бәрәкәтле тормыш телибез.  Ихтирам белән, Сарман мәгълүмат-мөхәррият үзәге коллективы.