Сарман район имам-мөхтәсибе Сәид хәзрәт Хаков Ураза гаете белән тәбрик итә

Сезне изге бәйрәмебез белән ихлас күңелдән шәхсән үземнең һәм район имамнары исеменнән тәбрик итәм! Аллаһ Раббыбыз кимчелек-хаталарыбызны кичереп, тоткан уразаларыбызны, биргән фитрсәдакаларыбызны һәм кылган барча изгелекләребезне Үзенең чиксез рәхмәте белән кабул итсен. Раббыбыз теләгән барча изге теләкләребезгә һәм омтылган барча хәерле максатларыбызга ирешү өчен, Үзенең ярдәмен бирсә иде. Бу дөньяда ныклы иман белән, бәхетле һәм имин тормыш кичереп, ахирәттә җәннәт бакчаларына керергә насыйп әйләсен. Аллаһы Тәгалә һәр барчаларыбызга да гаилә бәхетендә һәм гаилә куанычында булырга насыйп итсен, балаларыбызның һәм оныкларыбызның бәхетен, тәүфыйгын һәм бәрәкәтен күреп яшәргә насыйп әйләсен.

Ихтирам һәм изге догалар белән, Сарман район имам-мөхтәсибе Сәид хәзрәт Хаков