Нәфисә апа 95 яшьлек гомер бәйрәмен билгеләп үтә

"Сарман: иң яңа хәбәрләр", 10 август 2018 - 11:44

1360

Бүген Урта Кәшер авылында яшәүче Насыйбуллина Нәфисә Нәбиулла кызына 95 яшь тулды.

Нәфисә апа шушы авылда туып үскән, авыр сугыш елларында тракторда эшләгән, гомер буе туган авылында хезмәт куйган. Тормыш иптәше Мөҗәрәт абый белән биш ул тәрбияләп үстергән. Нәфисә апа бүгенге көндә авылда улы Салават һәм килене Гөлфирә тәрбиясендә яши.
Нәфисә апа хакындагы тулырак язманы газетабызның киләсе саннарының берсендә укый аласыз.