Җәлил бистәсендә яшәүче Нестерова Мария Захаровна картаюны белми

Җәлил бистәсендә гомер итүче Нестерова Мария Захаровна бүген 90 яшьлек юбилеен билгеләп үтә.

Аны истәлекле көне уңаеннан район җитәкчеләре, якыннары, күршеләре котладылар, изге теләкләрен җиткерделәр. Район Башкарма комитеты җитәкчесе Әлфис Мөхәммәтгәрәев юбилярга РФ Президенты В.В.Путинның Котлау открыткасын, муниципаль район башлыгы Фәрит Хөснуллинның бүләген тапшырды, тырыш хезмәте өчен рәхмәт әйтеп, аның чордашлары буынына соклануын белдерде. Җәлил бистәсе башкарма комитеты җитәкчесе урынбасары Гөлназ Идиатуллина, социаль яклау бүлеге начальнигы Лилия Гыйльметдинова, “Шәфкать” үзәге директоры Гөлнара Хуҗина да Мария Захаровнаны котлап, саулык-сәламәтлек, куанычлы гомер теләделәр. 
Самара өлкәсендә туып-үссә дә, Мария Захаровнаның илле елга якын гомере Җәлил бистәсе белән бәйле. Ире Эдуард Сергеевич белән 1970 нче еллар башында бистәгә килеп, шунда төпләнеп калалар. Мария Захаровна – балалар бакчасында, хәрбиләштерелгән сак хезмәтендә, ә Эдуард Сергеевич нефть тармагында хезмәт куялар. 51 ел тату гомер кичерәләр. Ире берничә ел элек вафат булган, ә ул үзе кызы Татьяна белән яши. “Тормышны, кешеләрне ярата. Шуңа да картаюны белми”, - диләр аның турында ахирәтләре. 
Энҗимә Габдрәхимова язмасы һәм фотолары.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 6 ноябрь 2021 - 18:50
    Яхшыбай үзешчәннәре "Надежда" җырын ике телдә башкардылар
  • 3 ноябрь 2021 - 10:10
    “Дус яшик бергәләп”, - диләр сандугачлылар
  • Район поликлиникасында төзекләндерү эшләре ахырына якынлаша
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде