Бәйрәмегез – мөбарәк, табыннарыгыз һәрчак түгәрәк булсын!

Кояш нурына, гөрләвекләр җырына күмелгән бәйрәмдә мәхәббәт, ана булу бәхете, хатын-кызга ихтирам һәм гаилә традицияләренә тугрылык кебек рухи кыйммәтләр чагылыш таба. Сугыш вакытының һәм сугыштан соңгы чорның кыенлыкларын үз җилкәләрендә татыган хатын-кыз ветераннарыбыз аерым рәхмәт сүзләренә лаек. Хатын-кыз гаилә учагын саклау белән беррәттән, илебез үсешендә дә актив катнаша, бизнеста, иҗтимагыйсәяси эшчәнлектә һәм җәмгыятьнең мәдәни тормышында уңышларга ирешә. Кадерле хатын-кызларыбыз! Сез безнең өчен ышанычлы тыл, саекмас илһам чыганагы булып торасыз. Янәшәдә сез булганда, теләсә нинди авырлыкны җиңеп була. Сезне чын күңелдән 8 Март – Халыкара хатын-кызлар көне белән котлыйм, язгы кәеф, шатлык-сөенечләр, сәламәтлек, гаилә бәхете һәм иминлек телим. Бәйрәмегез – мөбарәк, табыннарыгыз һәрчак түгәрәк булсын!

Фәрит ХӨСНУЛЛИН, муниципаль район башлыгы