Соңгы очрашу: Ир кеше хатынының аяк-кулларын балта белән чабып, чемоданга тутырган

Ир хатынын гаилә коруларына ике ел булу уңаеннан очрашуга чакырган булган.

Санкт-Петербургта хатынын вәхшиләрчә үтергән ир-атны тоткарлаганнар. Бу хакта РЕН ТВ хәбәр итә.

Тикшерү фаразлавынча, ир белән хатын талашкан. Шул вакытта ир кеше хатынының башына берничә тапкыр балта белән суккан, аннары мәетне кисәкләргә тураклаган. Күрәсең, шулай итеп, җинаять эзләрен качыру җиңелрәк булыр дип уйлаган.

 

Ир-ат хатынының аяк-кулларын чемоданга тутырган, ә гәүдәсен тәрәзәдән ишегалдына ташлаган. Узып баручы кешеләр хатын-кыз мәетен күргән һәм полиция чакырткан.

Кайбер мәгълүматлар буенча ир белән хатын аерылышырга җыенган. Хатыны баланы үзе белән калдырырга теләвен әйткән. Шуннан соң шикләнелгән зат аны үтерергә булган. Ир-ат гаебен таныган.

«Мин үз гамәлем өчен үкенәм. Миңа бу гамәлем өчен оят», — дип белдергән ул.

Күршеләр сүзләренчә, бу көтелмәгән хәл булмаган, ир-ат еш кына чыгарыннан чыккан, аларны да мыскыллы сүзләр әйтеп кимсеткән.

Ир хатынын гаилә коруларына ике ел булу уңаеннан очрашуга чакырган булган.

ИСТОЧНИК

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 6 май 2022 - 08:53
    Сарман ярминкәсеннән репортаж
  • 6 май 2022 - 08:47
    Күренекле мәгърифәтче Морад Рәмзине туган авылында искә алдылар
  • Сарман кызлары Мөслимдә!
  • Сарман күген ап-ак күгәрченнәр иңләде
  • Күренекле мәгьрифәтче Морад Рәмзинең иҗатына багышланган халыкара форум
  • Җәлил укучылары рухи кыйммәтләрне барладылар
  • Космонавтика көне белән бәйле хатирәләрегез юкмы, дуслар?
  • Матурлыкка гашыйк остабикә
  • Район поликлиникасында төзекләндерү эшләре ахырына якынлаша
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр