Күрше шәһәрдә гипермаркет янында иномарка йөртүчесе тугыз машинаны бәрдергән

Йөртүче үзе юл инспекторларына сөйләгәнчә, ул машинага утырып киткәч аңын югалткан.

Кичә Чаллыда “Хонда” машинасы йөртүчесе гипермаркет парковкасыннан чыкканда тугыз машинаны бәрдергән. Бу хакта шәһәрнең Дәүләт автомобиль инспекциясендә хәбәр иттеләр.

Авария “Лента” гипермаркеты янында булган. 38 яшьлек чит ил машинасы йөртүчесе юл-патруль хезмәте инспекторларына сөйләгәнчә, гипермаркет парковкасыннан чыккан вакытта аңын югалткан. Ир-ат сүзләренчә, автомат күчерү тартмасы куелган “Хонда” машинасы парковка буйлап узгач һәм берничә машинага зыян салгач уянып киткән. Гаепле ир-ат сүзләренчә, аңын югалтуга бүген башына сугулары сәбәп булырга мөмкин.

Юл-транспорт һәлакәте урынына килгән полиция хезмәткәрләре сүзләренчә, авариядән соң “Хонданы” зыян күргән автомобиль хуҗалары уратып алган. Ләкин машина эчендә утырган ир-ат аларның тавышына шундук игътибар итмәгән.

 

“Машина йөртүченең канында тыелган матдәләр булу-булмавын ачыклау өчен тест уздырдык. Тик алкоголь дә, наркотик матдәләр дә табылмады. Гаеплене тикшерү дәвам итәчәк”, - дип хәбәр иттеләр ЮХИДИ хезмәтендә.

Материал: http://saby-rt.ru/news/khvef-khtr/challydagy-gipermarket-yanynda-inomarka-yrtchese-tugyz-mashinany-brdergn

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 6 ноябрь 2021 - 18:50
    Яхшыбай үзешчәннәре "Надежда" җырын ике телдә башкардылар
  • 3 ноябрь 2021 - 10:10
    “Дус яшик бергәләп”, - диләр сандугачлылар
  • Район поликлиникасында төзекләндерү эшләре ахырына якынлаша
  • Сарманлылар нефтьчеләрнең иҗтимагый советы эшендә катнаштылар
  • Сарманда ярминкә гөрли
  • Сарманлылар Гаилә көнен бәйрәм иттеләр
  • Сарман районы Урта Әләзән Сабан туенда Татарстанны тәкъдир итте
  • Ретро машиналар парады ветераннарны сугышчан яшьлекләренә алып кайтты
  • Бөек Җиңүгә багышланган парадны район халкы горурланып карады
  • Сарман халкы Бөек Җиңү бәйрәмен бердәм булып каршы алды
  • Сарманда “Нәүрүз” гөрләде
  • Әзһәр аганың яңа китабы тәкъдир ителде