Ялларда район поликлиникасы ничек эшли?

Район үзәк хастаханәсеннән алынган мәгълүматлардан күренгәнчә, 7 март көнне поликлиникада терапевт, хирург, стоматологтан торган дежур төркем һәм лаборатория эшләячәк. 8, 9 март көннәрендә поликлиника ял итә. Ләкин авырып китүчеләр ашыгыч ярдәм бүлегенә мөрәҗәгать итә алалар. Ул тәүлек буе эшли һәм анда дежур табиблар була. Моннан тыш, һәр көнгә дежур табиблар билгеләнгән, авырулар булган очракта, алар өйләреннән чакыртылачаклар. Бәйрәм көннәрендә стационар да дежур табибсыз калмаячак. Бәйрәмегез күңелле үтсен, сәламәт булыгыз, хөрмәтле райондашлар!