Татарстанда дистанцион укуларны башларга җыеналар

Татарстан Мәгариф һәм фән министры Рәфис Борһанов укучыларның ата-аналарына мөрәҗәгать итеп, дистанцион формадагы укуларны яңарту турында сөйләде.

Мәгариф һәм фән министрлыгы башлыгы 6 апрельдән республиканың 1402 мәктәбендә, югары уку йортларында, урта һөнәри белем бирү учреждениеләрендә дистанцион режимда укуларның яңадан башлануын билгеләп үтте.

"Барлык сыйныфлар да, 1 нчедән 11 нчегә кадәр дистанцион режимда, дәресләрнең расланган расписаниесе нигезендә, уку планнарына туры китереп, программа үтәчәк. Укучылар һәм педагоглар төрле электрон платформалардан файдаланачак", - диде ул.

Рәфис Борһанов шулай ук Татарстанда элеккегечә үк эшкә чыгарга тиешле ата-аналарны исәпкә алып, балалар бакчаларында дежур төркемнәр эшләячәк, дип ышандырды. 

"Бу көннәрдә алгы сафтагы халык категориясе шәһәрләрнең, тулаем республиканың тормыш-көнкүрешен тәэмин итә, аларга борчылырга сәбәп юк. Балалары дежур төркемнәргә кабул ителәчәк", - дип ассызыклады ул.

https://www.tatar-inform.ru/news/science/04-04-2020/burganov-vystupil-s-zayavleniem-o-vozobnovlenii-ucheby-s-6-aprelya-v-distantsionnoy-forme-5733989