Районда бәйрәм көннәре тыныч үтә

Сарманлылар хәвеф-хәтәрсез рәхәтләнеп ял һәм бәйрәм иткәннәр. Урамнардагы күп санлы салют аттыруларны исәпкә алмаганда, билгеле. Куллана белми куллансаң, ул шатлык түгел, борчу да китерергә мөмкин. Фейерверкны кешеләрдән 30-50 метр ераклыкта аттырырга ярый. Әйләнә-тирәдә тиз янып китүчән әйберләр булмаска тиеш. Шулай ук һава шартларын искә алу да кирәк. Җилле, буранлы көндә салют аттырудан тыелып торыгыз. Һәм иң мөһиме: бу эшне балаларга ышанып тапшырмагыз. Аннан соң иң элек аны куллану кагыйдәләре белән яхшылап танышыгыз. Ялларыгыз күңелле үтсен, хөрмәтле сарманлылар!