Район башлыгы ярдәмгә мохтаҗ гаиләләргә бүләк-күчтәнәчләр тапшырды

"Сарман: иң яңа хәбәрләр", 2 май 2020 - 11:49

1181

Татарстан Республикасында Президент Рөстәм Миңнеханов тәкъдиме белән "Ярдәм янәшә! Помощь рядом!" дигән масштбалы хәйрия акциясенә старт бирелде.

Республикада ул 55 мең ярдәмгә мохтаҗ гаиләгә тәгаенләнгән булса, районда аны 519 гаиләгә бирү каралган. Аларның кайберләре азык-төлек җыелмаларын алдылар да инде. Бүген исә бүләк-күчтәнәчләрне ярдәмгә мохтаҗ берничә гаиләгә район башлыгы Фәрит Хөснуллин, район Башкарма комитеты җитәкчесе урынбасары Индира Сәхипова, Сарман авыл җирлеге Башкарма комитеты җитәкчесе Николай Сахуриев тапшырдылар.
- Күчтәнәчләргә бик күңелебез булды, рәхмәт! – диделәр аларны алучылар.
Зөлфия Шәрипова язмасы һәм фотолары