Фәйзуллиннар гаиләсендә кечкенә космонавт туган

“Рамазан аенда, Әлхәмдүлилләһ, безнең улыбыз туды. 12 апрельдә дөньяга кечкенә космонавт аваз салды”, - дип язып куйган Газинур социаль челтәрләрдәге шәхси битенә.
Без дә бу хәбәргә шатландык һәм котлыйбыз: кызлы һәм уллы булдылар Фәйзуллиннар. Асельнең хәзер нәни энесе дә бар. Ә кечкенә “очучы”га Алим исеме кушарга ниятлиләр бәхетле әти-әни. Ул - мөселманнарда киң таралган исем, гарәпчәдән тәрҗемә иткәндә, “белемле, галим” дигәнне аңлата. Без Алимның сәламәт һәм бәхетле сабый булып үсүен телибез.