Фәйрүзә Хәбибуллина-Яхинадан – укытучыларга шигъри күчтәнәч

Бер мәктәпнең игезәк баласыдай
Укытучы белән укучы
Могҗизалы саннар, хәрефләргә
Яшеренгән белем ачкычы.

Безгә шул ачкычны тапшыралар
Укытучы апа-абыйлар;
Ак кәгазьдәй сабый күңеленә,
Сер сандыгын ачып салалар.

Нинди дәрәҗәгә ирешсәк тә,
Бурычлыбыз бүген аларга.
Зур кораблар йөзгән диңгезләр дә
Изге чишмәләрдән ярала.

Укытучы — җиде хәрефле сүз,
Әйтерсең лә нурлар көлтәсе.
Гөлләмәләр бүләк булсын сезгә,
Котлы булсын бәйрәм иртәсе!
И мәктәпнең сабыр фәрештәсе...

ФОТО:https://ru.freepik.com