Бүген район диңгезчеләре бәйрәм итәләр +ВИДЕО

"Сарман: иң яңа хәбәрләр", 26 июль 2020 - 14:06

1478

Хәрби-диңгез флоты көнен үткәрү районда матур традициягә әверелде.

Районда яшәүче 256 диңгез хәрби хезмәте ветераны, бердәмлекләрен, бер-берсенә хөрмәтләрен раслап, һәйкәл дә ясадылар. Башка төрле хәрби даталарны да шуның янына җыелып үткәрәләр алар.
Бүген дә очрашулары тантаналы төстә байрак күтәрүдән башланды. Истәлекле даталары белән диңгезчеләрне район башлыгы Фәрит Хөснуллин тәбрикләде. Район диңгезчеләре берләшмәсе рәисе Мөнәвир Зиятдинов та матур теләкләрен җиткерде. Җыр-биюләр, нәфис сүз тантана кунакларына багышланды. Туй машиналарын хәтерләткән бәйрәмчә бизәлгән машиналар колоннасы урамнар буйлап узды.