Азалакта административ бина төзи башладылар

"Сарман: иң яңа хәбәрләр", 7 март 2019 - 15:54

1346

Азалакта быел авыл җирлеге башкарма комитеты бинасы салуны планлаштырулары хакында, җыенда чыгыш ясаганда, район башлыгы Фәрит Хөснуллин хәбәр иткән иде.

Эшләр дәүләт программасы нигезендә башкарылачак.
- Бүгенге көндә эшләр башланып китте. Төзелеш буласы урынны кардан ачтык, чистарттык. Фундаменты урыны казылды. Бу ялларда нигез ташы салуны планлаштырабыз, - дип хәбәр итте җирлек башлыгы Илгизәр Габделгазизов.