14 февраль 2020 яңалыклары

• 14 февраль 2020

  Ялларда Сарманда салкын һава торышы булачак

  Ялларда Татарстанда салкын һава торышы булачак

• 14 февраль 2020

  Яшь педагогларның семинарлары узды һәм кемнәр "Clawbot IQ"роботын җыйганнар

  Петровка Завод урта гомуми белем бирү мәктәбендә яшь педагоглар семинары узды.

  
• 14 февраль 2020

  Яңа Әхмәт авылында Мөдәрис абыйның юбилеен билгеләп үттеләр

  Нәҗметдинов Мөдәрис Шәмсемөхәммәт улы 90 яшьлек юбилеен бәйрәм итте. Капка төбенә чыгып, кунакларны үзе каршы алды ул.

  
• 14 февраль 2020

  Бүген Зур Нөркәй авыл җирлегендә кибет ачылды

  Авыл халкы берничә ел инде җыеннар вакытында Кече Нөркәй авылында кибет булдыру тәкъдиме белән чыга иде. Аларның сүзләренә колак салучы табылды, гозерләре үтәлде, теләкләре тормышка ашты.

  
• 14 февраль 2020

  Россиядә көндез тавышланган өчен штраф санкцияләре кертергә тәкъдим итәләр

  Законны бозган физик затларга кисәтү ясаячаклар яки 500-3000 сум күләмендә административ штрафка тартачаклар.

• 14 февраль 2020

  Илексаз һәм Әлмәт мәктәпләре дә читтә калмады: аларда да парламент дәресе кызыклы һәм файдалы үтте

  13 нче февраль көнне Илексаз мәктәбендә “Традицияләрне саклап, киләчәкне саклыйбыз” темасына чираттагы парламент дәресе үткәрелде. Аның быелгысы ике зур вакыйгага – ТАССРның 100 еллыгына һәм Бөек Җиңүнең 75 еллыгына багышланды. Дәрестә зур кунаклар катнашты. Алар Сарман район Советы депутатлары: ТР Ак Барс банкының Сарман бүлекчәсе җитәкчесе Ризатдинов Г.Г., Илексаз авылы җирлеге башлыгы Гильфанов Ф.М., Илексаз авылы клубы директоры Биктимерова З. Дәрес башында тарих һәм җәмгыять белеме укытучысы Салихова Р.Р. республикабызның үткәне, бүгенгесе белән таныштырды. Аннары ТАССР тарихына кагылышлы викторина уздырылды. Ул быелгы елга мөнәсәбәтле итеп махсус 20 сораудан төзелгән иде. Ризатдинов Г.Г. Сарман районы Район Советы эшчәнлеге белән таныштырды, район оешмалары турында сөйләде. Гильфанов Ф.М. Илексаз авылының элекке вакыттагы колхоз тормышына, Биктимерова З. авылның мәдәният тормышына тукталды. Очрашу бик файдалы һәм кызыклы үтте. Парламент сәгатендә барлыкка килгән җылы атмосфера әле озак вакытка кадәр сакланыр

  
• 14 февраль 2020

  Сыйфатлы медицина хезмәте — саулыкның нигезе

  “Халык сәламәтлеге, сыйфатлы медицина хезмәте күрсәтү – безнең илнең, республикабызның иң өстенлекле сәясәтенең берсе. Сарман районында, туучыларга караганда, үлүчеләр саны күбрәк. Бу тормыштан китеп баручы һәр кешенең үлү сәбәбен ачыклап, ул кешенең гомерен саклап калыр өчен нәрсә эшләргә мөмкин булды икән, дигән сорауларга җавап эзләргә кирәк. Кешедән дә кадерле кыйммәт юк. Саулыктан да кадерле нәрсәне табып булмый. Сәламәт яшәү рәвешенә игътибарлы булсак иде”, - дип белдерде ТР Дәүләт Советы Рәисе урынбасары Марат Әхмәтов, күптән түгел районга эшлекле сәфәр белән килгәч. Чыннан да, сәламәтлекне саклау, сәламәт яшәү рәвеше безнең тормышта әһәмиятле роль уйныйлар. Табибларга ярдәм сорап мөрәҗәгать итмәгән кеше, мөгаен, юктыр ул. Медицина хезмәткәрләре безне туган көнебездән алып гомер ахырына кадәр озата баралар. Аңлашыла ки, кешенең сәламәтлеге, тормышы, әлбәттә, сыйфатлы медицина хезмәтенә бәйле. Сарман район үзәк шифаханәсендә бу уңайдан ниләр эшләнә? Эш нәтиҗәләре нинди, һәм киләсе елларга нәрсәләр планлаштырыла. Болар хакында сәхифәбезнең чираттагы кунагы — үзәк шифаханәнең баш табибы Айрат ГАЛИМОВ белән сөйләштек.

• 14 февраль 2020

  Укучылар авыл ишегалдын ясадылар

  Кышкы каникул алдыннан икенче санлы Җәлил урта мәктәбендә районның 90, ТАССРның 100 еллыгына багышланган “Авыл ишегалды” конкурсы үткәреләчәге турында хәбәр ителде. Бер ай балалар әти-әниләр белән берлектә иҗатта кайнадылар: макетның планын, эскизын уйладылар, җиң сызганып эшкә тотындылар.

  
• 14 февраль 2020

  "Сарман" газетасының өр-яңа саны дөнья кайнар табадан төште

  Кадерле укучылар, белгәнегезчә, “Сарман”газетасы 12 битле булып чыга һәм аның чираттагы саны дөнья күрде.