Татарстанда хайваннарны бердәм идентификацияләүне гамәлгә кертү башланды

2021 елдан Россиядә мөгезле эре терлекләр санын бердәм идентификацияләү кертелә. 21 регионда инде барлык мөгезле эре терлекләр идентификацияләнгән. Шушы көннәрдә бу эш Татарстанда башлана.

Система түбәндәгечә эшли. Терлеккә бердәм мәгълүмати системада теркәлгән, бирка яки чипка язылган уникаль номер бирелә. Ахыргы теркәүне районның ветеринария хезмәте үткәрә, ул шулай ук терлекнең барлыгын раслый. Ә терлек хуҗасы электрон базада үз терлеген һәм конкрет терлек буенча барлык ветеринар чаралар тарихын карый ала.
Бердәм номерсыз терлек суюга һәм кибет киштәләренә кабул ителә алмый. Теләсә-кайсы сатып алучы кирәк очракта терлекнең килеп чыгышын һәм ветеринар чаралар тарихын карый ала. Моннан тыш, терлекне теркәү номерыннан башка рәсми рәвештә бракка чыгарып булмаячак.
Республикада пилот районнар рәвешендә Арча һәм Балтач районнары сайлап алынды. Аларда хәзерге вакытта ветеринария хезмәте белгечләрен укыту алып барыла. Программа продуктын гамәлгә кертү операторы булып “РИВЦ” җәмгыяте тора һәм ул персоналны укыту, программа продуктын алып бару белән дә шөгыльләнә, республика буенча уникаль номерлар биркаларын да ул җиткерә.
Уникаль идентификация номерларын гамәлгә кертү 2020 елда Татарстанда һәр районда база хуҗалыкларында да үткәреләчәк. Безнең районда база хуҗалыгы булып “Нөркәй” агрофирмасының Юлтимер комплексы тора.
Барлык сораулар, шул исәптән программаны субсидияләштерү һәм биркалар алу мәсьәләләре буенча консультацияне республиканың Авыл хуҗалыгы һәм азык-төлек министрлыгының бердәм колл-үзәк телефоны буенча алырга мөмкин: 8-800-444-16-70.
Тэгалар: Минсельхозпрод РТ #МыНаРаботеДляВас Цифровизация АПК Цифровизация животноводства Чипирование животных

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов:
  • 13 апрель 2021 - 09:54
    Башкортстан кызы Лилия Шагалеева туган телендә Газиз Әбделмәновның шигырен укый!
  • 25 март 2021 - 14:07
    Фирдүс Тямаев Сарайлы авылына кабат кайтачак
  • Сез чүп-чарны сортларга бүләсезме? .
    7 кеше тавыш бирде
  • Сарманда “Нәүрүз” гөрләде
  • Әзһәр аганың яңа китабы тәкъдир ителде
  • Мор өстендә картингчылар ярыша
  • Сарманда ярминкә гөрләде
  • Автомобиль йөртүче әбиләр һәм бабайлар ярыштылар
  • 9 май. Сарманда ветераннарны котлау
  • "Әниләр һәм бәбиләр” Сарман сәхнәсен гөрләтте
  • Сарманда креатив чаналар фестивале үтте
  • Реконструкциядән соң Россия Эчке эшләр министрлыгының Сарман районы буенча бүлеге бинасы ачылды
  • Районда Уңыш бәйрәме узды.