Районда шикәр чөгендере ташу дәвам итә

Чираттагы җиде көн нәтиҗәләре буенча басуда чөгендер төяүдә эшләүче механизаторлар бүләкләнде. Район башлыгы Фәрит Хөснуллин, авыл хуҗалыгы һәм азык-төлек идарәсе начальнигы Альберт Шәрипов, идарәнең маркетинг-җитештерү бүлеге начальнигы Илнур Салихов алдынгыларны тәбрикләп, сертификатлар тапшырдылар. Бу юлы беренче урынны "Нөркәй" агрофирмасыннан Илфат Йосыпов белән Рамил Салихов алдылар. "Җәлил" агрофирмасының төягечтә эшләүче егетләре Дамир Моратов белән Айрат Салихов икенче булдылар. Өченче урында - "Сарман"нан Ринат Илдарханов.

Бүгенге көнгә Зәй шикәр заводына агрофирмалардан барлыгы 347 885 тонна татлы тамыр озатылган. Көнгә районнан уртача 102 рейс ясала.

фото һәм материалны Альбина Сабирова әзерләде.