Розалия Могыйновадан “Кырмыска оясы” торты

Камыр өчен: 1 йомырка, 1 аш кашыгы бал, 0.5 стакан шикәр комы, 100 грамм ак май, 3 стакан он салып, каты итеп камыр басабыз. Әзер массаны иттарткыч аша чыгарып, кайнар мичтә пешереп алабыз. Суынгач, вак кисәкләргә ваклыйбыз. Крем өчен: 1 банка кайнатылган куертылган сөт (кибетнеке), 200 грамм ак май алабыз һәм, бертөрле массага кергәнче. яхшылап болгатабыз. Әзер катнашманы вакланган камыр өстенә салып болгатабыз. Тортка кырмыска оясы формасы кертеп, өстен мәк белән бизибез. Тиз һәм бик тәмле.

Чәйләрегез тәмле булсын!