Бәрәңге тәкәсе рецепты

Кирәкле ингредиентлар: төче камыр – 100 г. Эчлек өчен: бәрәңге – 120 г, башлы суган – 20 г, атланмай – 10 г, тәменчә тоз, борыч, аш тәмләткечләр. 

Эш барышы: Төче камыр басабыз һәм 15–20 минут плёнка белән каплап тотабыз. 

Ул арада эчлек әзерлибез: бәрәңгене шакмаклап, суганны ваклап турыйбыз, тоз, борыч сибәбез. Укроп яисә әнис орлыгы кушарга да мөмкин.

Камырны чәй тәлинкәсе зурлыгында җәябез. Уртасына эчлек һәм атланмай салып, кырыйларын тоташтырып, бөреп куябыз. 180°С кызулыктагы мичтә 40–50 минут пешерәбез.

Табынга чыгарганда, урталай ярып, өстенә сары май яки атланмай эретеп сибәбез.

Рецепт «Татар халык ашлары» китабыннан алынды. Китапны tatkniga.ru сайтында сатып алырга мөмкин.

ЧЫГАНАК