Сарманда күпфатирлы йорт эксплуатациягә тапшырылды

"Сарман: иң яңа хәбәрләр", 20 февраль 2023 - 10:57

1254

Бүген Сарман үзәк район хастаханәсе территориясендә төзелгән 24 фатирлы йорт үзенең яңа хуҗаларына ишекләрен ачты.

Дәүләт программасы нигезендә төзелгән йортта яшәячәк табибларның, күпбалалы гаиләләрнең сөенечен уртаклашырга мәртәбәле кунаклар килделәр. Тантанада чыгыш ясап, Татарстан Республикасы Премьер-министрының беренче урынбасары Рөстәм Нигьмәтуллин, район башлыгы Фәрит Хөснуллин йорт хуҗаларына изге теләкләрен җиткерделәр, төзүчеләргә рәхмәтләрен әйттеләр. Хастаханә табиблары Надежда Комарова hәм Талибзода Тахмурас кунакларны үз фатирларына чакырдылар.