Сарманлылар Халыкара дуслар көнен бәйрәм итә. Чын дуслык нинди була? Җавапларыгызны комментарийларда калдырыгыз

 Тормышыбыз ничаклы катлаулы, мәшәкатьле булса да, без дусларыбызга аларның кирәк булуларын, аларны хөрмәт итүебезне әйтергә тиешбез. Бер акыл иясеннән: “Ничә төрле дуслык бар?” дип сораганнар. “Дүрт, - дип җавап биргән ул. – Беренчесе, ашар ризык кебек, сиңа һәрвакыт кирәк дуслар була. Икенчесе, сиңа авыр вакытта, шифалы дару кебек, дәва өчен булган дуслар. Чир, авыру кебек, сине эзли торган дуслар да бар. Ә була шундыйлары, алар - сулар һава кебек, күренмиләр, әмма нинди генә вакытта да янәшәңдә калалар”. 
Сыналган дус белән яшәве күпкә җиңел. Яныңда икейөзлеләнеп, синең сереңне алып, куеныңда елан булып ятучы “дус”тан сак булырга кирәк. Дуслыкның көчен тоеп, тату яшик, дуслар! 
Ә сезнеңчә, чын дус нинди булырга тиеш? Җавапларыгызны комментарийларда калдырыгыз, дуслар)))

Фото:https://pixabay.com