Ретро машиналар парады ветераннарны сугышчан яшьлекләренә алып кайтты

"Сарман: иң яңа хәбәрләр", 9 май 2021 - 12:08

947

Район оешмалары бәйрәмгә ныклап әзерләнгәннәр.

Бүген Сарманда Бөек Җиңүнең 76 еллыгын бәйрәм итү кысаларында ретро машиналар парады үткәрелде.
Район оешмалары бәйрәмгә ныклап һәм җентекләп әзерләнгәннәр. Бәйрәмчә бизәлгән машиналар Җиңү шатлыгын да, сугыш еллары төсмерләрен дә чагылдыралар иде. Алар арасында элеккеге елларның “Победа”, “Газ”, “Волга” кебек машиналары да бар иде. Соңыннан Үзәк Ял паркында тезелгән ретро машиналар яныннан халык өзелмәде. Кызыксынып, машиналарның үзләрен тамаша кылучылар, алар янында фотога төшүчеләр дә күп булды.