Районга "Милли Шура" советы рәисе килде

 Бүген районга ТР премьер-министры урынбасары, Бөтендөнья татар конгрессының "Милли Шура" милли советы рәисе Васил Шәйхразыев килде. Ул иң элек күптән түгел район үзәгендә ачылган "Айтуган" универсаль спорт залын карады. Аннан республика программасы нигезендә капиталь ремонт үткән "Ләйсән" балалар бакчасында милли тәрбия торышы белән танышты. Хәзерге вакытта район кунагы муниципаль район Советы утырышында катнаша.

Альбина Сабирова