Җәлил халкы ике куянның койрыгын берьюлы тота

Җәлил поселогының Әхмәдиев урамы, 26 йорт (поселок Советы бинасы) адресы буенча урнашкан сан алу участогына 1 контролер, 6 сан алучы беркетелгән. 
- Безгә караган участокта яшәмәсә дә, йомышы төшеп, бистә Советына я монда урнашкан башка оешмага килгән кеше берочтан сан алуда да катнаша. Урамнарда эшләүче сан алучылар бүленеп бирелгән йортлар буенча йөриләр. Дөрес, халыкның төрлесе бар. Өйдә булып та, авыру сәбәпле, сорауларга җавап бирүдән баш тарталар. Андыйларның, савыгып, участокка килүләрен сорыйбыз, я онлайн үтәргә тәкъдим итәбез, - диде участок контролеры Инзилә Гарифуллина.

Альбина Сабирова